2011年度首季減肥方案

自從美麗一句3月不減肥, 456789月徒傷悲後,
我時刻提醒自己要食少d,
可惜, 現正處於人生最大壓力階段,
食野減壓係必須既.

我減肥最叻就係食多d菜同戒雞豬牛,
加間唔時去跑半個鐘頭步,
所以我係從來都未試過減肥成功.
淨計尋日, 我明明記得自己要食少d,
但因為一路做一路覺得要安慰自己,
我開頭食左一盒沙律,
之後就食雞髀, 汽水, cheese cake,
放學仲同獄卒去食成十串串燒做霄夜.
全日無食過正餐.
問我減肥, 我真係唔識......

不過中二試過食減肥藥, 搽減肥膏,
有人聲稱我小腿瘦過,
不出一星期反彈........
原來中二已經學人減肥, so 港女.