沒有勇氣

1. 狠狠的仆過兩次街後，
小女子實在不敢一獲過不顧一切的中個頭落任何雄性動物那裡。
以前以為是青春，其實是on9，不過，誰在年青時沒愛過一兩個人渣…
現在的他縱然對我真的很好，從未有人如此當我寶，
但，我還是有一個壞心態，用時間去觀察。
引用了好友的nothing lasts forever，
除了感謝他，也時刻提著自己，有一天失去也不要太傷心。
因為，我討厭那個自己，也不想再令身邊的人擔心了。

2. 其實我也有想紋粒細星星在腰背，但我怕痛。

3. 認識新朋友。我怕尷尬和失望，
所以，沒有勇氣認識新朋友和出席那些迎新活動，
到一個新環境我也好怕好怕，老實說，讀retail的我要走進studio上課，
我也會覺得不自在。我也想活躍在校園活動，不過我沒勇氣。

但願以後勇敢一點。自信一點。

一個人比兩個人好

一個人的時候 我是絕對可以獨立
一個人獨自在家過好多個夜晚
一個人做晚飯 好吃把它吃光 難吃沒人批評沒人知道
一個人逛街不停兜圈
一個人不用強顏可以零表情
一個人無顧慮把電話關上然後睡覺又好去哪裡都好
一個人穿得怎樣也沒有人干涉
一個人不用遷就別人 只有自己
一個人沒有尷尬
一個人可以雙目放空好久而沒有要把你靈魂抽回來
一個人可以合上嘴巴
一個人可以好好思考 面對自己

一個人 一點都不孤單

甚麼才是你的quality life?

1. 定期而又頻密的家庭聚會

我和哥哥兩個人住，所以我是一個孤獨精，
極愛家裡每一個人，小時候只要有家庭BBQ我就快樂。
如今長大，家裡多了兩個小寶貝，一家人在家吃飯我也快樂。
全因他們，我更懂得感恩。


2. 定期的朋友聚會

我們一起長大到現在各有各忙，
大家仍是大家的正能量，
在一起，不用一定哭著訴苦，
有的沒的在嘻嘻哈哈，就夠快樂。

3. 暫別忙碌

我明白人活著必需幹活，
但請我有一份五天的工作，讓我好好出去走走散心，
也至少有十四天年假，讓我去一個遠途。
最好的還是，有足夠財產令我做老闆，
開間細鋪，請個PT，等我有時間就睇鋪，無時間就去玩。


其實，只要有家人朋友有時間和不憂食住，就好足夠了。

最佳網站推介

我必須承認自己是沉迷上網的青少年
其實 我坐在電腦面前除了康熙來了外根本沒有看其他節目
即是說 我大部份時間都在CLICK CLICK CLICK
但網站卻數不出十個.

1. FACEBOOK, WEIBO, GOOGLE+
   我在現實生活中不是一個SOCIAL好手
   但卻會在網上煲爆人家的事
   
   
2. BLOGGER
   有好一段時間沒有寫 不過我仍然有看人家的喇
   
   
3. HKGOLDEN
   有時候, 高登能令你由沮喪變返開心
   
   
4. lookbook.nu
   每日看到人家穿得靚靚
   可以令我的起心肝著得好少少去街街
   

我一日至少有三個鐘對電腦
每日必定到訪網站只有上面幾個 我不是沉迷上網是甚麼

夏日消閒好去處

夏天我們和陽光玩遊戲
去游水是必須的
除此 夏天是青春的
我們應該去放風箏 去離島
總之在戶外
我曾經在七月的夏天去踩單車
三十幾度 是玩命
我們要不要玩一下？

還！未？

一直總是我欠人多，
今天竟然要我說人欠我。

1. 前度欠我幾舊水
   
   佢明知架，咸豐年前仲話唔還，因為唔還可以仲有機會見到我。
   （絕無半點作大，照佢說話直出）
   我有好多個幾舊水，我唔係等你Ｄ錢，
   不過，全世界都可以借我錢唔還，你條粉腸唔可以！
   幾舊水，睇穿你人格，ＸＸ！
   
   
2. 前度欠我唔知乜野
   
   分手之後，只有我將所有野歸還，無論係佢送既定佢借俾我既。
   忽然分左手，我借又或者擺係佢度既野一樣都拎唔返。
   不過，除左一隻我好中意既MELODY杯，
   我都唔記得仲有咩野。總之，你欠我既呢世都還唔清，ＸＸ！
   
   
3. 我哥差我至少兩千蚊
   
   屋企只有我同哥哥，日日相對，佢條友仔成日呃我錢，
   最近仲呃埋我部舊IPHONE走，人地諗去英國用架嘛…
   日日對住佢，都唔知點開口，究竟我係家姐你係細佬，
   定係你係哥哥我係妹？
   
   
4. 我隻MR.呢？
   
   呢個唔係欠，
   係我靜雞雞放左隻MR.演唱會係BB妳屋企…
   電影機櫃下面第三個櫃桶。
   BTW，想說好久，過去的事對不起，其實我一直好想妳。
   I LOVE YOU AND YOU LOVE ME PLEASE ^3^
   
   
5. 我隻USB
   方加魚！我隻USB呀！
   不過，SEMESTER已完，要用ＵＳＢ的時間會少喇。
   
   
   沒有喇，沒有喇，我欠人多，
   至少，我成世都欠我屋企人，
   我要報恩，直到永遠。
   
   

怪異集

自從過左中學時代 出黎見世面之後
怪人怪事出現次數標升 以前覺得好怪既人 原來一D都唔怪

之前做佐丹奴 有個呀叔拎條底褲出黎
攤開同我講 小姐唔岩著可唔可以換
因為我果時唔知道內衣褲係可以換既
我叫佢等一等 我問下同事
佢勁抆開條底褲拍埋自己條腰度話唔岩著
我話先生你等等 我問緊同事
之後佢竟然話不如我試出黎俾你睇
下試出黎?
我即刻CALL機叫同事幫手
之後有個男同事幫我頂左
隨即其他同事同我講 唔洗理佢 佢試過問底褲黃左可唔可以換.....
.....OKAY, 呀叔YOU WIN!

嘩唔得
幾晚通頂唔夠訓腦殘左
待續

就算下大雨令你很糟 不覺你糊塗

平日我總把朋友和同學分得好清，
對於身邊朋友，我都會無限量支持。
但當中缺乏自我照顧能力的，我總會加多一點力去撐。
不約而同，從聖士提反到poly所認識的朋友都會心照，
相處方式像男生，不會是女仔人家哎呀哎呀那一種。
一方有難八方支援。
要說女生以外，無論發生何事我會力撐的人，
嗯…是兩個比我小一年的男生。
不知怎的我一直好想他們好，
是莫名奇妙的那一種。
或許我心中已單方面當他們細佬般著緊，
我聽到他找到工作了我會鬆一口氣，
但我也會想他不要馬死落地行，想他追逐夢想。
另一個，我聽到他做功課不如意時，
好想和他拍住上。

其實沒有偏心不偏心，總想身邊的好。

縱遇上風暴令你跌倒有我待你好
同再起步。

怪癖

1. 刷牙通屋走
   停不下來, 朝朝晚晚刷牙都會走出廳行呀行
   搞東搞西, 唔願留係洗手盆面前對住塊鏡.
   
   
   
2. 撩枕頭角
   睡前手指一定要撩枕頭角/被角
   未至於訓唔著覺, 不過痕痕地好舒服呀!
   
   
   
3. 放條毛巾係頸
   沖涼之後會一直放條毛巾係頸,
   直到訓覺果一刻先除低.
   
   
   
4. 唔吹乾個頭
   我唔鍾意吹乾個頭, 要自然風乾先舒服.
   如果訓覺個頭仲濕我會放毛巾/由得佢,
   所以D人話頭濕訓覺會有頭風, 我老果陣應該好大獲.
   

最痕既一次

自從A-LEVEL後,
一向只有鼻痕眼痕的我, 時常身痕.

身痕的程度是全身都痕癢, 由臉到腳, 手到肚背PAT都有.
初時以為是突然的海鮮/牛肉敏感,
因為好多時用餐後都會出現.
但後來一切都沒吃時都會有這個情況.
曾經求醫, 西醫說是與壓力有關.
中醫說是風疹.

最痕的一次, 就是由臉到腳, 手到肚背PAT都全紅起來
加上我RRRRR, 紅痕腫起來了.
結果, 我沖了涼, 再搽了一身CREAM, 都沒有好.
那時是半夜, 我決心一早去看醫生, 再CHALLENGE醫生壓力是否可以大到咁?
那晚好難才能睡...........
結果第二朝, 乜事都無. 我頂.

到現在情況仍沒有好轉.
原因仍然不明.
只有叫自己, 忍忍忍忍忍.

與死神擦身而過

遲交了BLOG, 正因為與死線博鬥.
這一份PROJECT, 令我與死神擦身而過.
在POLY生活了三天, 一共只睡了三個鐘, 其餘時間做做做做做.
這三天一直好擔心自己會猝死.
PRESENT完的第二天還去了拜山, 完全挑戰死神!

好喇如果這次不算,
那我就說說小時候在船上的驚險事.
(轉述自大家姐)
說我還是要飲奶的BB, 爸媽去了賣魚,
只有我們四個在船上, 大家姐說識爬的我飲奶把奶樽甩了手,
奶樽一直碌碌碌碌碌到船邊, 我一直爬爬爬爬爬到船邊.
大家姐及時把我抓回來.
要不然, 我應該撲通一聲下了海,
大家姐要化身救生員了.
不過我對大家姐好有信心!

小總結:
再也不敢手動挑戰死神
要注意身體.

2011年度首季減肥方案

自從美麗一句3月不減肥, 456789月徒傷悲後,
我時刻提醒自己要食少d,
可惜, 現正處於人生最大壓力階段,
食野減壓係必須既.

我減肥最叻就係食多d菜同戒雞豬牛,
加間唔時去跑半個鐘頭步,
所以我係從來都未試過減肥成功.
淨計尋日, 我明明記得自己要食少d,
但因為一路做一路覺得要安慰自己,
我開頭食左一盒沙律,
之後就食雞髀, 汽水, cheese cake,
放學仲同獄卒去食成十串串燒做霄夜.
全日無食過正餐.
問我減肥, 我真係唔識......

不過中二試過食減肥藥, 搽減肥膏,
有人聲稱我小腿瘦過,
不出一星期反彈........
原來中二已經學人減肥, so 港女.

六千蚊點洗?

財爺派錢喎
調高公屋入息上限呀居屋呀果d唔理住喇
洗左六千蚊先!
本來諗住兌英鎊去旅行又或者買相機
點知佢應該趕唔到五月派
咁不如...
換部電話喇! 想用HTC都有一排喇!
又或者...
用黎買齊心裡面既年輕must have item.
例如黑色dr. martens, rayban, etc.
再唔係不如我地去旅行,
近近地五個去尋找周杰倫!
再再再再再唔係,
放係銀行欣賞自己戶口過萬既感覺喇!

派錢派錢, 派開就要派架喇,
可能我地年年都要諗架喇;D

2011年的展望

1. 為自己的心理作好準備，一鼓熱血投身社會，
   做想做的工作，哪管只是執頭執尾。
2. 不要為愛而失去自己，但要改掉世界只有自己一個人的臭脾氣。
3. 成功戒掉凍飲
4. 愛自己愛朋友愛家人愛獄卒
5. 縱然沒有收入，每月亦要儲一千大元
6. 把自己房間改造，把這學期的作品用圖畫呈現在牆上
7. 去英國闖盪，平安回來再向澳洲出發
8. 日行一善，小至幫人推門，也算。
9. 有感廿二青春流走得更快，要繼續輕狂，想做，就要做。
10. 不再一個人，要更獨立，珍惜一個人獨處的時間。
11. 培養做運動的好習慣！現在好想去跑步也沒有時間，只有拉拉筋，不夠。
12. 欣欣大得快，細B仔大得快，嫲嫲也老得快，再忙，一星期也要見一面。
13. 放任認識新朋友。
14. 遊遍香港，好多地方未去，坪洲啊塔門啊都未去，
    好掛念上年同期週末都可以去郊遊的日子。
15. 自己性格變得更好。有錯就要改。還有心態，要成為有靈魂的人。
16. 勤寫BLOG，沒有時間記錄自己。
    現在手機已可上網，我會在搭車時爭取時間！
17. 多煮飯，因為焗爐被荒廢了好一陣子。
    

五條題目

與死神擦身而過
我地成日講大不了咪死
不如講下自己差D死既經歷

怪癖
一人一個/幾個自己都不能理解的怪癖

最佳網站推介
成日上網 到底睇左乜野?

三分鐘熱度
講下大家想學/想做而又極速放棄左的事

沒有勇氣
有咩一直好想做 但係唔夠膽/受限制
e.g. 剃光頭


忙到hihi 謹此致歉

窮得多麼精彩

*熱烈慶祝超級疲勞轟炸巫術測驗重新啟動*

我不是腰纏萬貫
我的朋友也不是
我們窮 又或是我們不富有
未至於要一路返工一路返學一路自己交學費
總之我們比上不足 比下有餘

一個人的時候
我曾經反轉全屋都搵唔到廿蚊食飯
只好係屋企煲粥
那是中學時間好淒涼的一個下午

兩個人的時候
我們各有五十元 你說要從元朗出來找我
其實車費都去了五十 但你堅持 還引用歌詞
"若有你若有我還有十塊 這樣我便可以約你去街 WE HAVE 50塊 SO WE CAN GO LA"
沒錯 縱然已經過去 回想都能感受到窮得只有愛的威力

一班人的時候
我們LUNCH TIME用12元 買兩個杯面
我們其實有至少七個人
連杯面錢都沒有的時候 我們就去拍社工房門
扮好唔開心 順便去拎野食
究竟我們如果在校園生活
我現在怎也想像不到
我們連車錢都沒有 天天籌旗 籌錢返學放學
但我相信我們的家人是有提供足夠金錢的
到底錢去了哪裡?
那時是窮得只有愛 最最最最最快樂的時光

以上的情況都不會再發生
我都為發生過而笑了.

現在都是很窮的
和我隻獄卒閒聊婚姻大事/換四個轆/讀書進修
下下都係錢 仍然窮得只有愛